ஐக்கிய தேசிய கட்சி பௌத்த மக்களின் செல்வாக்கைப் பெற்று கொள்ள புதிய அணுகு முறை.
24 Total views
தலைமைத்துவ சபையொன்றின் மூலம் எதிர்வரும் பொதுத் தேர்தலை வழிநடாத்த ஐக்கிய தேசியக் கட்சியின் சிரேஸ்ட உறுப்பினர்கள் ஆலோசனை வழங்கியுள்ளதாக தெரிவிக்கப்படுகின்றது.
இந்த தலைமைத்துவ சபையில் பௌத்த மக்களின் செல்வாக்கைப் பெற்ற சபாநாயகர் கரு ஜயசூரியவுக்கு முன்னுரிமை அளிக்குமாறும் சிரேஸ்ட உறுப்பினர்கள் தமது பிரேரணையில் கூறியுள்ளதாக அக்கட்சியின் சிரேஸ்ட உறுப்பினர் ஒருவர் குறிப்பிட்டுள்ளார்.
தற்போதைய தலைவர் ரணில் விக்ரமசிங்கவுக்கோ, ஜனாதிபதி வேட்பாளர் சஜித் பிரேமதாசவுக்கோ மாத்திரம் பொதுத் தேர்தலை வழிநடாத்தும் தலைமைத்துவத்தை வழங்காது தலைமைத்துவ சபையொன்றின் ஊடாக பொதுத் தேர்தலை வழிநடாத்துவதே அதிக வாய்ப்பானது எனவும் அவர்கள் கூறியுள்ளனர்.
ஐக்கிய தேசியக் கட்சியின் சுமார் 30 பாராளுமன்ற உறுப்பினர்கள் இதுதொடர்பில் கலந்துரையாடுவதாகவும் அவர் மேலும் குறிப்பிட்டுள்ளார்.