இரசாயன உரம் இறக்குமதி செய்ய நிதி அமைச்சு தீர்மானித்துள்ளது.

0
21

இரசாயன உரங்களை இறக்குமதி செய்வதை நிறுத்துவதற்கான ஜனாதிபதி கோட்டாபயவின் முடிவை தளர்த்த புதிய நிதி அமைச்சர் பசில் ராஜபக்ஷ முடிவு செய்துள்ளார்.

அதன்படி சேதன பசளை தயாரிப்பதற்கான நடவடிக்கைகள் முன்னெடுக்கப்பட்டு நாட்டுக்குள் தேவையான சேதன பசளை தயார் செய்யும்வரை கட்டுப்பாட்டு அடிப்படையில் இரசாயன உரம் இறக்குமதி செய்ய நிதி அமைச்சு தீர்மானித்துள்ளது.

இரசாயன உரங்களை இறக்குமதி செய்வதை நிறுத்துவதற்கான அரசாங்கத்தின் முடிவைத் தொடர்ந்து, விவசாயிகளிடமிருந்து அரசாங்கத்திற்கு எதிராக கடும் எதிர்ப்பு எழுந்தது, தனிமைப்படுத்தப்பட்ட சட்டங்கள் இருந்தபோதிலும் விவசாயிகள், விவசாய அமைப்புகள் போராட்டங்களை நடத்தின.

கரிம உரங்களுடன் விவசாயம் செய்வது ஒரு நீண்டகால செயல்முறையாகும் என்றும், இரசாயன உர இறக்குமதிக்கு திடீரென தடை விதித்ததால் தாம் மிகுந்த அவநம்பிக்கையில் உள்ளனர் என்றும் விவசாய அமைப்புகள் சுட்டிக்காட்டுகின்றன.

எனவே தற்போதுள்ள சிக்கல்களைக் கருத்தில் கொண்டு இரசாயன உரங்களை இறக்குமதி செய்ய அனுமதிக்க முடிவு செய்யப்பட்டுள்ளது. எனினும் சேதன பசளை பயன்பாட்டை அதிகரித்து விரைவில் இரசாயன உரம் இறக்குமதியை முழுமையாக தடை செய்ய திட்டங்கள் முன்னெடுக்கப்படும் என நிதி அமைச்சு குறிப்பிட்டுள்ளது. 

LEAVE A REPLY

Please enter your comment!
Please enter your name here