சமமற்ற உலகில் மன ஆரோக்கியம்.

0
38

கங்காதரன் கல்லடி

உலக மனநல தினத்தினை (ஒக்டோபர் 10) முன்னிட்டு உலக சுகாதார தாபனத்தின் இவ்வருட கருப்பொருளான “சமமற்ற உலகில் மன ஆரோக்கியம்” என்ற தலைப்பில் இந்தக் கட்டுரை வரையப்படுகின்றது.

இந்தத் தலைப்பானது இரண்டு விடயங்களை வெளிப்படுத்துகின்றது அதில் ஒன்று சமமற்ற உலகு அடுத்தது மன ஆரோக்கியம்.

சமநிலையற்ற ஏற்றத்தாழ்வுகள் நிறைந்த இந்த உலகில் மன ஆரோக்கியமாக எவ்வாறு வாழலாம் என்பதனைப் பற்றி யாவரும் அறிந்துகொள்ளவேண்டும்.

ஆசைகள் எண்ணிலடங்காதவை இவற்றுக்கு வரையறைகளே இல்லை மனிதனுக்கு எழுகின்ற இந்த ஆசைகளே அவனுக்கு துன்பங்கயும் ஏற்படுத்துகின்றன இதனால்தான் “ஆசைகள் துக்கத்தை விருத்தி செய்கின்றன” என பல அறிஞர்களும் சொல்கின்றனர். ஓவ்வொரு மனிதனும் ஏதோ ஒரு இலட்சியத்தினை நோக்கியே பயணிக்கின்றான் அந்த இலக்கே ஒரு பேராசையாகவும் மாறுகின்றது இந்த இலக்கினை அவன் அடைந்தால் இன்னும் இன்னும் மேலே போக வேண்டும் என நினைத்து தொடர் நடவடிக்கையும் அதனால் மன அழுத்தமும் அதனால் கவலையும் கொள்வான் இலக்கினை அடையாவிட்டாலும் அது நிறைவேறவில்லையே என நினைத்து கவலை கொள்வான் எனவே கவலை வெற்றியிலும் உண்டு தோல்வியிலும் உண்டு கவலை வந்தால் மன ஆரோக்கியம் கெட்டு மனநோய் ஏற்பட வாய்ப்பு உண்டு.

மற்றவரின் சொகுசு வாழ்க்கை தனக்குக் கிடைக்கவில்லையே என எண்ணாது தனக்குக் கிடைத்த வசதிகளை வைத்து இன்பம் அடைகின்ற எனனோ அவன்தான் மன ஆரோக்கியமாக வாழ்வான்.

இனி இந்தத் தலைப்பில் உள்ள சமமற்ற உலகு அடுத்தது மன ஆரோக்கியம் இரண்டு விடயங்களையும் தனித்தனியாக பார்த்துவிட்டு பிற்பாடு இரண்டினையும் ஒப்பிட்டு ஒன்றினால் மற்றதற்கு ஏற்படும் தாக்கம் எவ்வாறு மன நலத்தினை பாதிக்கின்றது என்பது பற்றிப் பார்ப்போம்.

சமமற்ற உலகு

உலகம் பூராகவும் சமூக பொருளாதார ரீதியாக வேறுபாடுகள் நிறைந்துதான் காணப்படுகின்றன. பொதுவாக ஏழை பணக்காரன் என்ற வர்க்க வேறுபாடு முக்கியமானதாக காணப்படுகின்றது இவ்வுலகில் ஒருவன் அல்லது ஒரு நாடு எவ்வாறான சாதி மத இன மொழி நிற கலாசார வேறுபாடுகளைக் கொண்டிருந்தாலும் அவன் அல்லது அந்த நாடு செல்வந்தராக காணப்பட்டால் உலக செல்வந்தர்கள் அல்லது செல்வந்த நாடு என்ற பட்டியலில் சேர்க்கப்பட்டு அவர்கள் தங்களுக்குள் ஒன்று சேர்வதனைக் காண்கின்றோம். இதேபோன்றுதான் கல்வி மேதைகள் மற்றும் அறிஞர்களும் தங்களது தனியான வேறுபாடுகளை மறந்து ஒன்று சேர்கின்றனர். ஆனால் ஏனையோர் அவ்வாறு ஒன்று சேர்வதனைக் காணமுடியாது உதாரணமாக ஒரே மதத்தினை சேர்ந்தவர்களோ அல்லது ஒரே மொழியினை பேசுபவர்களோ தங்களது இதர தனி அடையாளங்களை மறந்து ஒன்றிணைய மாட்டார்கள்.

மேலும் உலகில் மேலைத்தேய நாடுகள் (மேற்கு நாடுகள்) கீழத்தேய நாடுகள் (கிழக்கு நாடுகள்) ஏழை நாடுகள் பணக்கார நாடுகள் மற்றும் முதலாம் உலக நாடுகள் (வளர்ந்த நாடுகள்) இரண்டாம் உலக நாடுகள் (வளர்ந்து வருகின்ற நாடுகள்) மூன்றாம் உலக நாடுகள் (பின்தங்கிய நாடுகள்) என நாடுகளுக்குள் வேறுபாடுகளும் அதன் காரணமாக பல வகையாக அரசியல் மற்றும் பொருளாதார கட்டுப்பாடுகள் வரையறைகள் என்பனவும் காணப்படுவதனைக் காணலாம் இதனால் உலக மக்களின் ஒன்றிணைவு தடுக்கப்பட்டு அங்கே தங்களுக்கிடையிலான சமநிலை என்பது இல்லாமல் போகின்றது. இதுவே உலக மக்களின் மன ஆரோக்கியத்தினை பெரிதும் பாதிக்கின்றது. இனி மன ஆரோக்கியம் பற்றி பார்ப்போம்.

மன ஆரோக்கியம்   

மன ஆரோக்கியம் என்பது உளவியல் நல்வாழ்வின் நிலையையும் மன நோய் இல்லாத நிலையையும் குறிக்கிறது. இது ஒருவரின் உள நிலையானது அவரது உணர்ச்சி நடத்தை என்ற நிலைகளைச் சார்ந்து திருப்திகரமான மட்டத்தில் சமநிலையில் செயற்படுவதைக் குறிக்கிறது. உளச்சுகாதாரம் சிக்கலுடையது. இதனுடைய பொருளையும் செயலையும் பற்றிக் கருத்து வேறுபாடுகள் உளவியல் அறிஞர்களிடையே நிலவுகிறது. ஆரோக்கியமாக உள்ள நலத்தைப் பெறுவதற்குத் தடையாக மூளைத்திசுநோய்களும் ஆளுமை வளர்ச்சியைத் தடுக்கும் காரணங்களும் உள்ளன. மேலும் வேறு சில கராணிகளும் உள நலத்திற்குத் தடைகளாக அமைகின்றன.

உலக சுகாதார அமைப்பின் (WHO) கருத்துப்படி:

“மன ஆரோக்கியம் என்பது ஒரு நல்வாழ்வின் நிலைää அதில் ஒரு நபர் தனது சொந்த திறன்களை உணர்ந்து, வாழ்க்கையின் சாதாரண அழுத்தங்களை சமாளிக்க முடியும், உற்பத்தி ரீதியாக வேலை செய்ய முடியும், மேலும் அவரது சமூகத்திற்கு ஒரு பங்களிப்பை செய்ய முடியும்.”

மன ஆரோக்கியம் “மனநல கோளாறுகள் அல்லது குறைபாடுகள் இல்லாததை விட அதிகம்” என்று WHO வலியுறுத்துகிறது. உச்ச மன ஆரோக்கியம் என்பது சுறுசுறுப்பான நிலைமைகளைத் தவிர்ப்பது மட்டுமல்லாமல், நடந்துகொண்டிருக்கும் ஆரோக்கியத்தையும் மகிழ்ச்சியையும் கவனிப்பதாகும்.

மனநலத்தைப் பாதுகாப்பதும் மீட்டெடுப்பதும் ஒரு தனிப்பட்ட அடிப்படையில் முக்கியமானது, அத்துடன் உலகெங்கிலும் உள்ள பல்வேறு சமூகங்கள் மற்றும் சமூகங்கள் முழுவதும் அவை வலியுறுத்துகின்றன.

ஐக்கிய அமெரிக்காவில் (USA), மனநோய்க்கான தேசிய கூட்டணி ஒவ்வொரு ஆண்டும் 5 பெரியவர்களில் ஒருவர் மனநல பிரச்சினைகளை அனுபவிப்பதாக மதிப்பிடுகின்றனர்.

2017 ஆம் ஆண்டில் ஐக்கிய அமெரிக்காவில் (USA) 11.2 மில்லியன் பெரியவர்கள் அல்லது சுமார் 4.5% பெரியவர்கள் கடுமையான உளவியல் நிலையைக் கொண்டிருந்ததாக தேசிய மனநல நிறுவனம் (NIMH) தெரிவித்துள்ளது.

மன ஆரோக்கியம் பற்றிய வரலாறு

1860 ஆம் ஆண்டிலேயே வில்லியம் எம். கானல் (William M. Connel) என்பவர் “வாழ்க்கையில் சுகப்படுவதெப்படி அல்லது உடல் உளச் சுகாதாரம்” என்ற பெயருள்ள நூலை வெளியிட்டார். அதன் பிறகு 1907 ஆம் ஆண்டு கிளிப்போர்டு பீர்ஸ் (Clifford Beers) என்பவருக்கு மூளைக்கோளாறு ஏற்பட்டது. தனது உளநோய் நீங்கி நலம்பெற்ற பின்ர் தம் வாழ்நாளை உளநோய்களைக் குணமாக்கும் முறைகளை ஆராய்ந்தார். பல்வேறு அனுபவங்களை ஒருங்கிணைத்து ‘தன்னைத்தானே கண்டறிந்த உளம் ‘ (A mind that found itself) என்ற நூலாக வெளியிட்டார். இதுவே உளச் சுகாதாரத்தின் தொடக்கமாகக் கருதப்படுகிறது. இக்காலத்தில் இது குறித்த புரிந்துணர்வு உலகம் முழுவதும் பரவியுள்ளது. அமெரிக்காவில் 6-5-1908 ஆம் ஆண்டு உளச்சுகாதாரத்திற்கென முதல் குழுவை ஏற்படுத்தியது. பின்னர் அது தேசியக் குழுவாக மாறி இது குறித்த விழிப்புணர்வைப் பரப்பியது. 1919 ஆம் ஆண்டு பன்னாட்டுக் குழு நிறுவப்பட்டது. இந்த பன்னாட்டுக் குழுவின் முதற்கூட்டம் 1930 இல் வாசிங்டனில் கூடியது. இக்கூடலில் 53 நாடுகளில் இருந்து பலர் கலந்துகொண்டனர்.

மன ஆரோக்கியத்தின் முக்கியத்துவம்

புற்றுநோய் நீரிழிவு இதய நோய் போன்ற நோய்களைப் பெற்றுள்ள நோயாளிகளை விட மன நோய்களைப் பெற்றுள்ள நோயாளிகள் அதிகம் என அறியப்படுகிறது. 18 வயதிற்கு மேற்பட்ட அனைத்து அமெரிக்கர்களில் 26 சதவிகிதத்திற்கும் அதிகமான நபர்கள் மனநோய்களால் பாதிக்கப்படுவதாக புள்ளிவிவரங்கள் தெரிவிக்கின்றன. உலக சுகாதார அமைப்பின் (WHO) அறிக்கையின் படி 2010 ஆம் ஆண்டில் உலகளாவிய மனநோய்க்கான செலவை கிட்டத்தட்ட 2.5 டிரில்லியன் டாலர்கள் என மதிப்பிடப் பட்டுள்ளது. இச்செலவு 2030 ஆம் ஆண்டில் 6 டிரில்லியன் டாலர்களை விட அதிகமாகலாம் என கணிக்கப் படுகிறது உலக மக்கள்தொகையில் கிட்டத்தட்ட பாதிபேர் மனநோய்களால் பாதிக்கப்பட்டுள்ளதாக உலகச்சுகாதார நிறுவனத்தின் ஆய்வுகள் தெரிவிக்கின்றன. இதனால் சுயமரியாதைகளிலும் உறவுமுறைகளிலும் அன்றாட வாழ்க்கைக்கான செயல்படும் திறன்களிலும் தாக்கம் ஏற்பட்டு இயல்பு வாழ்க்கை மாறுபடுகிறது  ஒரு தனிநபரின் உணர்ச்சி நிலைகளானது அந்த தனிநபரின் உடல் ஆரோக்கியத்தையும் பாதிக்கும் வல்லமைக் கொண்டது

LEAVE A REPLY

Please enter your comment!
Please enter your name here