முச்சக்கரவண்டி ஒன்று சுமார் 700 அடி பள்ளத்தில் வீழ்ந்ததால் இரண்டு வயோதிபர்கள் உயிரிழந்துள்ளனர்

 

 

 தெனியாய - இறக்குவானை பிரதான வீதியின் ஜம்புகஸ்வெட்டிய பகுதியில் இடம்பெற்ற வீதி விபத்தில் இருவர் உயிரிழந்துள்ளனர்.

முச்சக்கரவண்டி ஒன்று சுமார் 700 அடி பள்ளத்தில் வீழ்ந்ததால் இந்த விபத்து இடம்பெற்றுள்ளது.

சம்பவத்தில் முச்சக்கரவண்டியில் பயணித்த இருவரே உயிரிழந்துள்ளதாக காவல்துறையினர் தெரிவிக்கின்றனர்.

அத்துடன், விபத்தில் காயமடைந்த மேலும் இருவர் சிகிச்சைகளுக்காக வைத்தியசாலையில் அனுமதிக்கப்பட்டுள்ளனர்.

சம்பவத்தில் 62 வயதுடைய ஆண் ஒருவரும், 61 வயதுடைய பெண் ஒருவருமே உயிரிழந்துள்ளனர்.

முச்சக்கரவண்டி சாரதியின் கவனக்குறைவே விபத்துக்கு காரணம் என காவல்துறையினர் தெரிவிக்கின்றனர்.

சம்பவம் குறித்த மேலதிக விசாரணைகளை காவல்துறையினர் முன்னெடுத்து வருகின்றனர்.