பாராளுமன்றத்தில் திருடிய குற்றச்சாட்டின் கீழ் அங்கு பணியாற்றும்
சமையல்காரர் ஒருவர் பாராளுமன்ற பொலிஸ் அதிகாரிகளால் கைது
செய்யப்பட்டுள்ளார்.
பாராளுமன்றத்திற்கு வெளியே ஜாம் போத்தல் மற்றும் ரின் பால் குவளை ஒன்றை
திருடி எடுத்துச் செல்ல முற்பட்ட போதே குறித்த சமையல்காரர் கைது
செய்யப்பட்டுள்ளார்.
சந்தேகநபரான சமையல்காரர் தனது பணியை முடித்து, பாராளுமன்ற பிரதான
நுழைவாயிலில் சென்றபோது அவர் வைத்திருந்த பையை பொலிஸார் சோதனை
செய்துள்ளனர்.
இதன்போது பாராளுமன்றத்தின் சமையலறையில் இருந்து ஜாம் போத்தல் மற்றும்
ரின் பால் குவளை என்பன திருடப்பட்டு எடுத்துச் செல்லப்படுவது
தெரியவந்துள்ளது.
இதனை தொடர்ந்து கைது செய்யப்பட்ட சந்தேகநபர் மேலதிக விசாரணைகளுக்காக வெலிக்கடை பொலிஸாரிடம் ஒப்படைக்கப்பட்டுள்ளார்.
முன்னதாக, பாராளுமன்ற சமையலறையில் இருந்து உணவு பொருட்களை எடுத்துச்
சென்ற பல ஊழியர்கள் பாராளுமன்ற பொலிஸாரால் கைது செய்யப்பட்டுள்ளனர்.
மேலும் சம்பவம் தொடர்பில் வெலிக்கடை பொலிஸார் மேலதிக விசாரணைகளை மேற்கொண்டு வருகின்றனர்.
