மட்டக்களப்பு மாமாங்கேஸ்வரர் ஆலய வருடாந்த உற்சவம் ஆரம்பம்.

(கல்லடி செய்தியாளர்)

கிழக்கிலங்கையின் வரலாற்றுச் சிறப்புமிக்க அமிர்தகழி ஸ்ரீ மாமாங்கேஸ்வரர் ஆலய வருடாந்த மஹோற்சவம் இன்று திங்கட்கிழமை (07) கொடியேற்றத்துடன் ஆரம்பமாகி, எதிர்வரும் 16 ஆம் திகதி வியாழக்கிழமை இடம்பெறவுள்ள தீர்த்தோற்சவத்துடன் ஆலய உற்சவம் நிறைவுபெறவுள்ளது.

இதன்போது 15 ஆம் திகதி பக்தர்கள் புடைசூழ தேரோட்டம் நடைபெறவுள்ளது.

இக்கொடியேற்ற நிகழ்வைக் காண நாட்டின் நாலா பக்கங்களிலிருந்தும் பக்தர்கள் வந்து கலந்து கொண்டிருந்தமை குறிப்பிடத்தக்கது.