இலத்திரனியல் கடவுச்சீட்டு அல்லது ‘இ-கடவுச்சீட்டு’ வழங்குவது தொடர்பான ஆர்வத்தை வெளிப்படுத்தும் அறிவிப்பை (EOI) இடைநிறுத்தி டெண்டர் கோருவதற்கு அமைச்சர் டிரான் அலஸ் தீர்மானித்துள்ளார்.
இதன்படி, பொருளாதார நிலைமை மற்றும் தேவைகளை கருத்திற்கொண்டு புதிய ஏல அழைப்பை (டெண்டர்) கோருவதற்கும், அது தொடர்பான நடவடிக்கைகளுக்காக விசேட தொழில்நுட்ப மதிப்பீட்டு குழுவொன்றை நியமிப்பதற்கும் பொறுப்பான அமைச்சர் டிரான் அலஸ் சமர்ப்பித்த அமைச்சரவை பத்திரத்திற்கு அமைச்சரவை அங்கீகாரம் வழங்கியுள்ளதாக தெரிவிக்கப்படுகின்றது.
‘இ-பாஸ்போர்ட்’ வழங்குவதற்காக EOI கள் அழைக்கப்பட்டதாகவும், பல ஆர்வலர்கள் EOI-யில் உள்ள சில தொழில்நுட்ப குறைபாடுகள் குறித்து பொது பாதுகாப்பு அமைச்சகத்திடம் முறைப்பாடுகளை அளித்துள்ளதாகவும் தெரிவிக்கப்பட்டுள்ளது.
