மட்டக்களப்பு சிவானந்த தேசிய பாடசாலை பழைய மாணவர் சங்கத்தின் சமூகத்துக்கான பணி!

 

 

(கல்லடி செய்தியாளர்)

 சாக்ரமெண்டோ தமிழ் மன்ற கலிபோர்னியா நிதிப்  பங்களிப்புடனும், அன்பு நெறியின் ஒருங்கிணைப்புடனும் சிவாநந்த பழைய மாணவர் சங்கத்தினால் நடைமுறைப்படுத்திய வெள்ளத்தினால் பாதிக்கப்பட்டு  இடைத்தங்கல் முகாமில் இருந்து வீடு திரும்பிய மாணவர்களுக்கான அப்பியாச கொப்பிகள் வழங்கும் நிகழ்வு    வியாழக்கிழமை (08) ஏறாவூர்ப்பற்று பிரதேச செயலகத்தில் ( செங்கலடி) இடம்பெற்றது.

பிரதேச செயலாளர் எஸ்.தனபாலசுந்தரம் தலைமையில் நடைபெற்ற  இந் நிகழ்வில், பிரதேச செயலக பிரதி திட்டமிடல் பணிப்பாளர் ஆ.சுதாகரன், செயல்பாடுகளுக்கு எமக்கு நிதி உதவியினை பெற உதவிய சிவாநந்த பழைய மாணவர் சங்கத்தின் முன்னாள் தலைவர் எந்திரி எம். மங்களேஸ்வரன், சிவாநந்த  பழைய மாணவர் சங்க உப தலைவர் எஸ். ரவீந்திரன் மற்றும் பிரதேச செயலக உத்தியோகத்தர்கள், கலந்து கொண்டனர்.