மட்டு.புதுமுகத்துவாரம் சப்தரிஷி ஆலயத்தில் சிறப்பாக நடைபெற்ற மகாசிவராத்திரி!

(கல்லடி செய்தியாளர்)

மட்டக்களப்பு புதுமுகத்துவாரம் சப்தரிஷி காயத்திரி ஆலயத்தில் நேற்று வெள்ளிக்கிழமை (08) மகா சிவராத்திரி சிறப்பாக அனுஷ்டிக்கப்பட்டது.

இதன்போது சமூத்திரத் தீர்த்தமானது காலை 6.00 மணி தொடக்கம் மாலை 6.00 மணி வரை  லிங்கத்திற்கு அபிஷேகம் செய்யப்பட்டது. இதில் பல நூற்றுக்கணக்கான அடியவர்கள் கலந்து கொண்டனர்.

சிவராத்திரி தினத்தை முன்னிட்டு ம்ருத்ஞ்ஜய யாகம் இரவு 10.00 மணி தொடக்கம் 12.00 மணிவரை நிகழ்த்தப்பட்டது.

அத்தோடு முதலாம் ஜாமப்பூஜை கல்லடி நீர்ப்பாசனத் திணைக்கள ஊழியர்களாலும், இரண்டாம், மூன்றாம் மற்றும் நான்காம் ஜாமப் பூஜைகள் காயத்திரி குடும்பத்தினராலும் செய்யப்பட்டது.

இதனைச் சிறப்பிக்கும் வகையில் மட்டக்களப்பு சைவத் திருநெறி மன்றத்தினரால் திருவாசகம் முற்றோதல் நிகழ்வு அரங்கேற்றம் செய்யப்பட்டது.