(கல்லடி செய்தியாளர் &பிரதான செய்தியாளர் )
மட்டக்களப்பு பிரம்மகுமாரிகள் இராஜ யோக நிலையத்தின் ஏற்பாட்டில் உலக ஆரோக்கிய தினத்தை முன்னிட்டு "ஆக்கபூர்வமான ஆரோக்கியம்" எனும் தொனிப் பொருளில் ஆன்மீகக் கண்காட்சியொன்று இன்று ஞாயிற்றுக்கிழமை (07) மட்டக்களப்பு காந்திப்பூங்கா வளாகத்தில் இடம்பெற்றது.
இக்கண்காட்சி "ஆரோக்கிய வினாடி வினாக்கள்", "விழுமியச் சக்கரம்", "ஆரோக்கியக் கண்காட்சி" ஆகிய விடயங்களை சித்திரப்பாவையாக அமைந்திருந்தது. அத்தோடு ஆரோக்கியம் சார்ந்த புத்தக விற்பனையும் இடம்பெற்றது.
இக்கண்காட்சியைப் பார்வையிட பெருமளவிலான பொதுமக்கள் வருகை தந்திருந்ததைக் காணமுடிந்தது.
இதன்போது வருகை தந்தோருக்கு பிரம்மகுமாரிகள் இராஜயோகத்தினரால் உடல்,உள,சமுதாய,ஆன்மீக ஆரோக்கியம் தொடர்பாக விரிவாக விளக்கமளிக்கப்பட்டமை குறிப்பிடத்தக்கது.
