மட்டக்களப்பு மாவட்டத்தில் தேர்தல் கடமைகளுக்காகவும் வாக்கெண்ணும் பணிகளுக்காகவும் 6750 உத்தியோகத்தர்கள் கடமையில் ஈடுபட உள்ளனர்.

 வரதன்

 

 

இம்முறை மட்டக்களப்பு மாவட்டத்தில் தேர்தல் கடமைகளுக்காகவும் வாக்கெண்ணும்  பணிகளுக்காகவும் 6750 அரச உத்தியோகத்தர்கள் தேர்தல் கடமையில் ஈடுபட உள்ளதாக  
மாவட்ட  உதவி      தேர்தல் ஆணையாளர் எம்.பி.எம்.சுபியான் தெரிவித்தார்.

வியாழக்கிழமை (19.09.2024) இடம்பெற்ற ஊடகவியலாளர் சந்திப்பின்போது அவர் இவ்வாறு தெரிவித்தார்,  இதன்போது அவர் மேலும் குறிப்பிடுகையில் ....
 
கடந்த காலங்களில் மட்டக்களப்பு மாந்தீவு வைத்தியசாலையில் இடம் பெற்று வந்த வாக்களிப்பு நிலையம் இம்முறை மட்டக்களப்பு   புதூர் விக்னேஸ்வரா வித்தியாலயம் மண்டபம் இலக்கம் மூன்றில் வாக்களிப்பதற்கு ஒழுங்கு செய்யப்பட்டுள்ளது. இது இலங்கையில் ஆகக் குறைந்த அதாவது இரண்டு பேர் வாக்களிப்பதற்கான வாக்களிப்பு நிலையமாகும்.

நடைபெற உள்ள ஜனாதிபதி தேர்தலுக்கான வாக்களிப்பதற்கான வாக்குப்பட்டிகள் வெள்ளிக்கிழமை காலை 7:00 மணி முதல் மட்டக்களப்பு தேர்தல் மத்திய நிலையமாக விளங்கும் மட்டக்களப்பு இந்து கல்லூரிகளில் இருந்து விநியோகிக்கப்படும்.

இம்முறை மட்டக்களப்பு மாவட்டத்தில் தேர்தல் கடமைகளுக்காகவும் வாக்கண்ணும் பணிகளுக்காகவும் 6750 அரச உத்தியோகத்தர்கள் தேர்தல் கடமையில் ஈடுபட உள்ளனர்.

மாவட்டத்தில் மொத்தமாக 1514 போலீசார் உள்ளிட்ட விசேட அதிரடிப்படையினர் பாதுகாப்பு கடமையில் ஈடுபட உள்ளனர்.  வரையிலும் வாக்காளர் அட்டைகள் கிடைக்கப்படாத வாக்காளர்கள் நேரடியாக கவா நிலையங்களுக்கு சென்று வாக்காளர் அட்டையினை பெற்றுக்கொள்ளுமாறு கேட்டுக் கொள்கின்றோம்.

இதுவரையில் 52 முறைப்பாடுகள் தேர்தல் பிணக்குகளை ஈர்க்கும் நிலையத்திற்கு கிடைக்கப்பட்டுள்ளன. மாவட்டத்தில் இருக்கின்ற 14 பிரதேச செயலாளர் காரியாலயங்களிலும்  இணைப்புக் காரியாலங்களும் வெள்ளிக்கிழமை முதல் செயற்படும்.

தேர்தல் முறைப்பாட்டு காரியாலயங்களாக போரதிவு பற்று, பிரதேச செயலகத்திலும் , கோறளைப் பற்று மேற்கு பிரதேச செயலகத்திலும் கடந்த 13ம் தேதி இருந்து செயற்பட்டு வருகின்றது.  முறைப்பாடுகள் கிடைக்கின்ற போது உடனடியாக நடவடிக்கைகள் எடுப்பதற்குரிய ஒழுங்குகளையும் நாங்கள் செய்திருக்கின்றோம்.


 21 ஆம்  திகதி பிற்பகல் 3 மணிக்கு தபால் மூல வாக்கெண்ணும் பணியில் ஈடுபடும் உத்தியோகஸ்தர்கள் அன்றைய தினம் நேரத்திற்கு வருகை தருவதுடன், ஏனைய வாக்கெண்ணும் உத்தியோர்கள்  அன்றைய தினம் பிற்பகல் 4 மணிக்கு வருகை தந்து தேர்தல் மத்திய நிலையமாக காணப்படும் மட்டக்களப்பு  இந்து கல்லூரிக்கு அறிக்கைவிடுமாறு கேட்டுக் கொள்கிறேன்.