"கிழக்கு மாகாண ஜனநாயகப் பங்குதாரர்களுக்கான ஒர் இடம்" கலந்துரையாடலின் மற்றுமொரு கட்டம் செங்கலடியில் இடம்பெற்றது.

மட்டக்களப்பு மாவட்டத்தில் செங்கலடி பிரதேச செயலகப் பிரிவில் உள்ள ஜனநாயகப் பங்குதாரர்களுக்கான தொடர் கலந்துரையாடலானது  இன்று செங்கலடி பிரதேச சபை மண்டபத்தில் இடம்பெற்றது.

கலந்துரையாடலானது செங்கலடி பிரதேச சபை  செயலாளர் திரு வி.பற்குணன் தலைமையில் இடம்பெற்றதுடன் ,
 AHRC நிறுவனத்தின்  திட்ட இணைப்பாளர் நூ.இஸ்மியா, கள இணைப்பாளர் ப.சிரோஜன், சிவில் சமூக பிரதிநிதிகள், இளைஞர்கள் , பிரதேச சபையின் உத்தியோகத்தர்கள், ஊடகவியலாளர்கள் என 30 பிரதிநிதிகள் பங்குபற்றுதலுடன் குறித்த நிகழ்வானது இடம்பெற்றது.

இதில் பங்குபெற்றுனர்கள் தங்கள் கிராமங்களின் நலன்கருதி  தங்களது மக்களது பிரச்சனைளான வீதி , குப்பை பிரச்சினை , மின்விளக்கின்மை, காட்டு யானைபிரச்சினை உள்ளிட்ட பல பிரச்சினைகளை முன்வைத்ததுடன்  அது தொடர்பாக கலந்துரையாடப்பட்டு அதற்கான பல உடனடி தீர்வுகளும் பிரதேச சபை செயலாளரால் வளங்கப்பட்டமையும் குறிப்பிடத்தக்கதாகும்.