மட்டக்களப்பு கல்லடி உப்போடை விவேகானந்தா மகளிர் கல்லூரியில் இருந்து தேசிய மட்டத்தில் இடம் பெற்ற மல்யுத்த போட்டியில் பங்கு பற்றி தங்கப்பதக்கம் மற்றும் வெண்கலப்பதக்கம் பெற்ற இரண்டு மாணவிகள் பாடசாலை சமூகத்தால் பாராட்டி கௌரவிக்கப்பட்டார்கள் .
தேவதாஸ் தர்மி 20வயதின் கீழ்ப்பிரிவில் (44-47kg நிறை)மல்யுத்த போட்டியில் பங்குபற்றி தங்கப்பதக்கம் பெற்று வெற்றி ஈட்டியுள்ளார், மேலும் ஒரு மாணவி வாசுதன் கனிக்கா 18வயதின் கீழ்ப்பிரிவில் (57-61kg)பங்குபற்றி வெண்கலப்பதக்கத்தை பெற்றுள்ளார் .
இன்றைய தினம் காலை (2024.10.04 ) பாடசாலை ஒன்று கூடல் நிகழ்வின் போது நடராஜானந்தா மண்டபத்தில் வெற்றியீட்டிய மாணவிகளை பாராட்டி கௌரவிக்கும் நிகழ்வு வெகு விமர்சையாக இடம் பெற்றது .
பாடசாலை அதிபர் திருமதி நவகீதா தர்மசீலன் தலைமையில் இடம் பெற்ற நிகழ்வில் மட்டக்களப்பு கல்வி வலய உதவிக் கல்விப்பணிப்பாளர் வாமநாதன் லவக்குமார் பிரதம அதிதியாக கலந்து சிறப்பித்தார் .
இவ் நிகழ்வுக்கு பாடசாலை மாணவர்கள் , ஆசிரியர்கள் , பெற்றோர்கள் என பலரும் கலந்து கொண்டனர் .
