கல்லடி செய்தியாளர் & செய்தி ஆசிரியர்
வின்சென்ட் மகளிர் உயர்தரப் பாடசாலையின் வருடாந்த ஒளிவிழா இன்று 20.11.2024 பாடசாலை ஒன்றுகூடல் மண்டபத்தில் இடம்பெற்றது.
பாடசாலை அதிபர் திருமதி தவத்திருமகள் உதயகுமார் தலைமையில் நடைபெற்ற வருடாந்த ஒளி விழாவில்,
புளியந்தீவு மெதடிஸ்த திருச்சபையின் போதகர் வணக்கத்துக்குரிய ஷாம் சுவேந்திரன், புனித செபஸ்டியன் ஆலய பங்கு தந்தை வணக்கத்துக்குரிய அனிஸ்டன் மொறாயஸ் ஆகியோர் ஆன்மீக அதிதிகளாகக் கலந்து கொண்டனர்.
இவ்விழாவில் இயேசு பிரானின் உயிர்ப்பை நினைவு கூரும் வகையில் பல்வேறு கலை நிகழ்ச்சிகள் மேடை ஏற்றப்பட்டன, அத்தோடு மாணவிகளின் நடன நிகழ்ச்சிகளும் அரங்கேறின,
இதன்போது நத்தார் கீதங்களும் இசைக்கப்பட்டன.நிகழ்ச்சிகளின் பங்குபற்றிய மாணவிகளுக்கு பரிசுகளும் வழங்கப்பட்டன.
இறுதியாக நத்தார் தாத்தா அரங்கிற்கு வருகை தந்து ஆடிப்பாடி மகிழ்வித்ததோடு,இனிப்புப் பண்டங்களையும் வழங்கி மகிழ்வித்தார்.
இந்நிகழ்வில் மட்டக்களப்பு வின்சென்ட் உயர்தர மகளிர் பாடசாலை ஆசிரியர்கள் ,பெற்றோர்கள்,பழைய மாணவர்கள் என ஏராளமானோர் கலந்து கொண்டு நத்தார் விழாவை சிறப்பித்தனர்.
