அச்சத்தில் மக்கள், அகற்றப்பட்ட சோதனை சாவடிகள் மீண்டும் அமைக்கப்படுவது ஏன் ?

 

யாழ்ப்பாணத்தில்  அகற்றப்பட்ட சோதனைச் சாவடிகள் மீண்டும்   அமைக்கப்பட்டு வருகின்றமை பொதுமக்கள் மத்தியில்  அச்சத்தை  ஏற்படுத்தியுள்ளன.

போரின் போதும் போர் முடிவுற்ற பின்னரும் கூட பல்வேறு இடங்களில் சோதனைச் சாவடிகள் அமைக்கப்பட்டிருந்தன. இந்தச் சோதனைச் சாவடிகளை அகற்றுமாறு அரசியல் கட்சிகளின் பிரதிநிதிகளும், பொதுமக்களும் நீண்ட காலமாகக் கோரிக்கை விடுத்து வந்திருந்தனர். இந்நிலையில் நாட்டில் புதிய ஆட்சி மாற்றம் ஏற்படுத்தப்பட்டு ஜனாதிபதி அநுரகுமார திஸாநாயக்க யாழ்ப்பாணத்துக்கு வந்து சென்ற பின்னர் இங்கு இருந்த சோதனைச் சாவடிகள் அனைத்தும் உடனடியாக அகற்றப்பட்டன.

எனினும், அந்தச் சோதனைச் சாவடிகள் தற்போது மீண்டும் அதே இடங்களில் அமைக்கப்பட்டு வருகின்றமை குறிப்பிடத்தக்கது.