மட்டக்களப்பு கல்லடி புதிய பாலத்திற்கு முன்பாக சுவாமி விபுலானந்த அடிகளாரின் சிலையை நிறுவுவதற்க்கு அடிக்கல் நடும் நிகழ்வு.

 

 

 

 

செய்தி ஆசிரியர்

 

 

 

சுவாமி விபுலானந்த அடிகளாரின் துறவற நூற்றாண்டு விழாவை முன்னிட்டு மட்டக்களப்பு சுவாமி விபுலானந்தர் நூற்றாண்டு விழா சபையின் பூரண ஏற்பாட்டில் ,மட்டக்களப்பு கல்லடி புதிய பாலத்திற்கு முன்பாக அமையப் பெற்றிருக்கும் சுவாமி விவேகானந்த அடிகளாரின் திரு உருவச்சிலைக்கு எதிர் புறமாக சுவாமி விபுலானந்த அடிகளாரின் சிலையை நிறுவுவதற்கு 

 மட்டக்களப்பு கல்லடி உப்போடை இராமகிருஷ்ண மிஷன் பொது முகாமையாளர் ஸ்ரீமத் சுவாமி நீலமாதவானந்தஜீ அவர்களின்முன்னிலையில் சுப வேளையில் அடிக்கல் நடும் நிகழ்வு இடம் பெற்றது .

அடிகளாரின் சிலையானது தனி ஒரு கருங்கல்லால் நிர்மாணிக்கப்பட உள்ளது, இதற்கான பூரண ஏற்பாடு அனைத்தும் இந்தியாவில் மாமல்லபுரத்தில் திறமை வாய்ந்த தமிழ் நாட்டு சிற்பிகளால் செதுக்கப்பட்டுக்கொண்டிருக்கிறது .

அடிகளாரின் சிலை அமைப்பு செயற் குழுவின் தலைவராக மட்டக்களப்பின் பிரபல வர்த்தகரான தேசபந்து செல்வராஜா செயற்படுகிறார் .

நூற்றாண்டு விழா தலைவர் கே. பாஸ்கரன் தலைமையில் ,காயத்ரி பீட குருக்கள் சிவயோக செல்வன் சாம்பசிவம் , தேசபந்து செல்வராசா , நூற்றாண்டு விழா பொது சபை செயலாளர் ச. .ஜெயராஜா , உதவி பொது செயலாளர் தி ..சரவணபவன் ,இணை செயலாளர் சந்திரகுமார் , உப தலைவர் திருமதி . ஹ . திலகவதி ஆகியோர் அடிக்கல் நடும் நிகழ்வில் பங்கேற்றனர் .

மண்முனை வடக்கு பிரதேச செயலாளர் வ. வாசுதேவன் , மட்டக்களப்பு மாநகரசபை ஆணையாளர் தனஞ்செயன் மற்றும் கனடா விபுலானந்த கலா மன்ற தலைவர் புருசோத்தமன் , கலாமன்ற செயலாளர் நித்தியானந்தன் ஆகியோரும் அடிக்கல் நாடும் நிகழ்வில் கலந்து கொண்டனர் ,அத்தோடு அடிகளாரின் பற்றாளர்களும், சமூக செயற்பாட்டாளர்களும் நிகழ்வில் கலந்து கொண்டு சிறப்பித்தனர்.