மட்டக்களப்பு ஆரையம்பதி தாமரை முன்பள்ளியின் (Lotus Preschool) தரம் ஒன்றுக்கு மாணவர்களை அனுப்பி வைப்பதற்கான நிகழ்வு.

 

 

 

 

 

அகல்யா ஆரையம்பதி

மட்டக்களப்பு ஆரையம்பதி தாமரை முன்பள்ளியின் (Lotus Preschool) தரம் ஒன்றுக்கு மாணவர்களை அனுப்பி வைப்பதற்கான நிகழ்வு இன்று மட்/ ஆரையம்பதி இ.கி.மி மகா வித்தியாலயத்தில் நடைபெற்றது. இந்நிகழ்வில் பிரதம அதிதிகளாக முன்பள்ளி மாணவர்களுக்கான உதவிக்கல்வி பணிப்பாளர் திருமதி.அனுரேகா விவேகானந்தன் , பாடசாலை அதிபர் திரு. செல்லத்தம்பி ரவிச்சந்திரன் மற்றும் அப் பாடசாலையின் பிரதி அதிபர் திருமதி கலாவாணி கிருபாகரன் ஆகியோர் கலந்து கொண்டார்கள்.

இந் நிகழ்வினை தாமரை முன்பள்ளியின் பிரதம ஆசிரியர் டேவிட் சந்திரகௌரி மற்றும் ஆசிரியர் திருச்செந்தூரன் கிந்துஜா ஆகியோர் ஒழுங்குப்படுத்தி இருந்தனர்.

இந்நிகழ்வில் முதலாம் தரத்திற்கு பாடசாலைக்கு இவ்வருடம் செல்ல இருக்கின்ற மாணவர்கள் கௌரவிக்கப்பட்டனர். அத்துடன் தாமரைமுன்பள்ளி மாணவர்களின் பல கலை நிகழ்ச்சிகளும் இடம்பெற்றிருந்தன.

மாணவர்களுக்கு கற்றல் மாத்திரமின்றி இணைபாடவிதான செயற்பாடுகளும் அவசியம் என்பதை குறிப்பிட்டதோடு

சிறுவர்களின் திறமைகளையும் ஆற்றல்களையும் பாராட்டி அவர்களின் எதிர்காலம் சிறக்க தனது வாழ்த்தினையும் நிகழ்வில் கலந்து கொண்ட உதவிக் கல்வி பணிப்பாளர் தெரிவித்திருந்தார்.

சிறார்களின் கலை கலாசார நிகழ்வுகள் இடம்பெற்றது. நிகழ்வுக்கு பொதுமக்கள் , ஆசிரியர்கள் கலந்து சிறப்பித்தனர்