2025.04.08 மற்றும் 2025.04.09 ஆகிய இரண்டு நாட்களும் பக்த அடியார்களின் கரங்களினால் எண்ணைக்காப்பு சாத்தும் நிகழ்வு சிறப்பாக இடம் பெற்றது, மட்டக்களப்பின் பல்வேறு பாகங்களில் இருந்து ஏராளமான பக்த அடியார்கள் எண்ணைக்காப்பு சாத்தும் நிகழ்வில் கலந்து கொண்டார்கள் .
2025.04.10 ம் திகதி வியாழக்கிழமை முகூர்த்த வேளையில் தேவஸ்தான ஆதீன கர்த்தாவும் பிரதான குருவும் ஆகிய சிவ ஸ்ரீ த.ஜெகநாத சிவாச்சாரியார் தலைமையில் சர்வபோதகாச்சாரியார்கள், யாகசம்ரட்சகர்கள் , பிரதிஷ்டா குருக்கள் , மூர்த்திப சிவாச்சாரியார்கள், வேத பாராயண சிவாகம சிவாச்சாரியார்கள், சர்வசாதகாசிரியர்கள் . சிறப்பு குருக்கள் மார்கள் , ஆகியோரின் பங்கேற்றலுடன் புனராவர்தன அஷ்ட பந்தன பஞ்ச குண்டபக்ஷ திரிதள ராஜா கோபுர மகா கும்பாபிஷேகம் இடம் பெற்றது .
அன்றைய தினம் மட்டக்களப்பு பிரபல வர்த்தகரும் , ஈஸ்ட் லகூன் விடுதி உரிமையாளருமான தேசபந்து மு .செலவராசா அவர்களின் அனுசரணையில் கும்பாபிஷேக நிகழ்வில் கலந்து கொண்ட பக்த அடியார்களின் தாக சாந்தியை போக்கும் முகமாக சர்பத் குளிர்பானம் விநியோகிக்கப்பட்டது .
